Boas nenas e nenos de primeiro!
Deixámosvos por aquí varias actividades e xogos dixitais cos que poderedes practicar algúns contidos traballados durante o curso.
Aula PT: se premedes en cada un, descárgase un Power Point interactivo
Padlet de Siembra Estrellas con moitos xogos interactivos . Moi recomendable!
Jclic: Son descargables.
DISFRUTADE MOITO DAS VACACIÓNS
VÉMONOS EN 2º!
💙💗
As nenas e os nenos de primeiro finalizamos as nosas portadas do último proxecto do curso, mirade que chulas:
Tamén falamos das investigacións que fixemos na casa sobre plantas e colgamos os traballos no corredor:
Ademáis, algunhas compañeiras fixeron uns contiños troquelados sobre árbores:
Estes últimos días están dando para moito. Onte tivemos a visita de Natalia, a mamá de Adriana.
Xa viñera fai unhas semanas a lernos un libro e contounos que ten un traballo moi molón: traballa para unha editorial que se dedica exclusivamente aos cómics.
Primeiro explicounos un pouco en que se diferencian os cómics dos libros de texto. Falounos das viñetas, bocadillos, onomatopeas; tróuxonos varios exemplos de cómics...
E por último, cada nena e neno creou o seu propio.
Moitas gracias pola visita, Natalia!
💗📚
Este venres tivemos a sorte de contar cun novo obradoiro organizado pola Misión Biolóxica. Desta vez viñeron ó cole xunto coa mamá de Olivia e o papá de Xiana e preparáronnos unha actividade xenial.
Coas diferentes follas de carballo que recollemos na saída anterior, cada neno e nena creou o seu herbario nun marquiño . Practicamos a lectura para ler as etiquetas, puxemos a proba a nosa atención para buscar o nome correcto das follas nas pegatinas, para escoitar as explicacións etc.
Gracias mamá e papá de Olivia, papá de Xiana, Bea e Marta pola vosa colaboración e por toda a dedicación amosada cos nenos e nenas.
ENCANTOUNOS! 🌳🍂🍃🍁
O xoves fomos de visita ós bombeiros.
Vimos e aprendemos unha chea de cousas, explicaron todo de forma moi entretenida, non perdemos detalle!
