21/12/19

CHOCOLATADA

COMEMOS O CHOCOLATE COA ROSCA-  ESTABA BOÍSIMO!!
VISITOUNOS O APALPADOR E REPARTIUNOS AGASALLOS. ESCOITAMOS O CORO DOS NENOS E NENAS DE PRIMARIA E A PROFE LOLA


COA BARRIGA FARTA, BAILAMOS E BAILAMOS:

19/12/19

TRABALLANDO O PROXECTO DAS MASCOTAS

FIXEMOS UN RECANTO DO PROXECTO  "DAS MASCOTAS" , FALAMOS DAS NOSAS MASCOTAS DE CASA:
  • ONDE VIVEN
  •  QUE COMEN 
  • QUEN AS COIDA 
  • QUE COIDADOS NECESITAN 
  • QUE LLES GUSTA
  •  DOS VETERINARIOS E VETERINARIAS E DOS SEUS APARELLOS; XIRINGA, RADIOGRAFÍA, FONENDOSCOPIO, VENDAS, TERMÓMETRO, TESOIRAS, PASTILLAS, CAMILLA...ETC 
 CLASIFICAMOS AS MASCOTAS EN:  SERES VIVOS E XOGUETES  (PELUCHES). FALAMOS DAS CARACTERÍSTICAS DOS SERES VIVOS.




 NO RECANTO DE CASIÑA ESTAMOS A XOGAR A SER VETERINARIOS E VETERINARIAS, USANDO UN MALETÍN COS INSTRUMENTOS PARA CURAR AS MASCOTAS DE PELUCHE.


DIALOGAMOS SOBRE QUE TIPO DE MASCOTA PODEMOS TER NA NOSA CLASE,  DÉMONOS CONTA QUE É DIFÍCIL TER UN ANIMAL VIVO. ASÍ QUE  DECIDIMOS QUE A NOSA MASCOTA ÍA A SER UN ANIMAL DE  PELUCHE.
 DIXEMOS MOITOS NOMES DE ANIMAIS: CAN, GATO, LEÓN, TIGRE, FLAMENCO, COELLO, OSIÑO...ETC
 ESCRIBIMOS UNHA CARTA: AOS REIS MAGOS, A PAPÁ NOEL E AO APALPADOR,  CONTÁNDOLLES QUE NECESITAMOS UNHA MASCOTA DE PELUCHE E A LISTA DE  ANIMAIS QUE NOS GUSTAN. PUXÉMOSLLE SELO E O NOSO  NOME. AS  PROFES  LEVARONLLAS  A CARLOS,  O CARTEIRO,  PARA QUE LLAS  DEA O REIS, A PAPÁ NOEL OU AO APALPADOR.

18/12/19

AS NOSAS MASCOTAS DA CASA

DURANTE ESTAS ÚLTIMAS SEMANAS, FOMOS PRESENTANDO NA ASEMBLEA AS NOSAS MASCOTAS, E CONTANDO A INFORMACIÓN QUE INVESTIGAMOS NA CASA SOBRE ELAS:

3 ANOS A.


3 ANOS B.

17/12/19

O CARTEIRO CARLOS

CARLOS, O CARTEIRO, VEU A CLASE PARA BUSCAR OS SOBRES DAS TARXETAS DO NADAL, QUE LEVARÁ ÁS NOSAS FAMILIAS.

 TAMÉN NOS REGALOU CARAMELOS E BOLSAS AMARELAS PARA XOGAR OS CARTEIROS E CARTEIRAS NO RECANTO DE XOGO SIMBÓLICO.

16/12/19

TARXETAS DO NADAL

FIXEMOS UNHA PEQUENA UNIDADE PARA COMPRENDER QUE ERAN AS TARXETAS DO NADAL. COAS NOSAS PINTURAS ESTILO MIRÓ FIXEMOS AS TARXETAS PARA MANDAR ÁS NOSAS FAMILIAS. TAMÉN AS ESCRIBIMOS E AS ASINAMOS.


METÉMOLAS NUN SOBRE E COMPROBAMOS QUE LEVABAN SELO E A DIRECCIÓN DA NOSA FAMILIA.

 ESTAMOS IMPACIENTES Á CHEGADA DO CARTEIRO!!

A NOSA EXPOSICIÓN

ADORNAMOS O CORREDOR COAS NOSAS PINTURAS:


15/12/19

PINTAMOS COMO JOAN MIRÓ

CONVERTÉMONOS EN PINTORES E PINTORAS AO  ESTILO JOAN MIRÓ  E FIXEMOS UNS CREATIVOS CADROS, XA VOS CONTAREMOS O QUE IMOS A FACER CON ELES:

8/12/19

JOAN MIRÓ

AS PROFES CONTÁRONNOS UN CONTO QUE SE TITULA: "O CADRO MÁIS BONITO DO MUNDO".
A PARTIR DO CONTO VIMOS AS CORES QUE MÁIS LLE GUSTABA PINTAR A JOAN MIRÓ NOS SEUS CADROS.


 TRABALLAMOS DIFERENTES ASPECTOS PARA PODER COMPRENDER OS CADROS DE MIRÓ:
  • QUE É UN CADRO? 
  • QUEN PINTAN CADROS?
  • ONDE HAI CADROS?
  •  QUE FERRAMENTAS UTILIZA UN PINTOR OU UNHA PINTORA? 
  •  QUE É A FORMA? A TRAVÉS DE  DIFERENTES XOGOS DE SOMBRAS E SILUETAS COMPRENDEMOS QUE É A FORMA E QUE TODAS AS COUSAS QUE NOS RODEAN TEÑEN DIFERENTES FORMAS. DESPOIS VIMOS QUE MIRÓ PINTA MOITAS FORMAS NOS SEUS CADROS: ESTRELAS, CÍRCULOS, CADRADOS, LÚAS, PUNTOS...ETC

23/11/19

DESENVOLVENDO O PROXECTO DA MASCOTA

ESTA SEMANA,   ALGÚNS COMPAÑEIROS E COMPAÑEIRAS ACORDÁRONSE DE TRAER A CLASE UNHA FOTO DA SÚA MASCOTA. FOMOS PRESENTANDOAS E FALANDO DELAS.
 ENTRE TODOS PENSAMOS QUE ASPECTOS TEMOS QUE INVESTIGAR SOBRE A NOSA MASCOTA DE CASA: O NOME, DESCRICIÓN DAS SÚAS CARACTERÍSTICAS, COIDADOS QUE NECESITA...Etc. 
PARA QUE TODAS E TODAS NOS ACORDÁSEMOS DE TRAER UNHA FOTO,  E INVESTIGAR NA CASA COAS NOSAS FAMILIAS,  DECIDIMOS ESCRIBIR UNHA NOTA, QUE LEVAMOS O XOVES A CASA.
 ESTA FIN DE SEMANA TEMOS QUE PREPARAR A INVESTIGACIÓN COAS FAMILIAS EN CASA,  PARA LEVALA O LUNS AO COLE E CONTALA NA ASEMBLEA OS COMPAÑEIROS E COMPAÑEIRAS.

16/11/19

PROXECTO AS MASCOTA

O LUNS RECIBIMOS UNHA CARTA DOS ANTÍOS, NA QUE NOS DICÍAN, QUE COMO XA REMATARA O MAGOSTO,  IAN  VIVIR AO SOUTO DE MASCOTILANDIA HASTA OUTUBRO DO VINDEIRO ANO,  QUE VOLVERAN A VISITARNOS. 
QUEDAMOS UN POUQUIÑO TRISTES,  PORQUE LLES COLLEMOS MOITO CARIÑO. 
NA CARTA TAMÉN NOS DICÍAN,  QUE AGORA TEREMOS QUE BUSCAR UNHA MASCOTA PARA AS NOSAS AULAS. 
_"QUE É UNHA MASCOTA?" _DIXERON AS PROFES.
 CADA UN DE NÓS  FOI CONTANDO O QUE SABÍA DAS MASCOTAS, ALGÚNS NON SABIAMOS NADA, OUTROS E OUTRAS XA NOS DECATAMOS, DE QUE LAMPI É A MASCOTA DA BIBLIOTECA E OS ANTÍOS A DO  MAGOSTO. 
 O LUNS SEGUIREMOS FALANDO DAS NOSAS  IDEAS PREVIAS SOBRE AS MASCOTAS. 

14/11/19

A ROBÓTICA E O MEDO

TAMÉN TRABALLAMOS O MEDO XOGANDO CO ROBOT "BLUEBOT".

O MEDO COS ROBOTS

OBRADOIRO DE AMULETOS

PARA PROTEXERNOS DO MEDO, REALIZAMOS UN OBRADOIRO DE AMULETOS, CON PASTA DE MOLDEAR, AXIÑA LEVARÉMOLOS PARA A CASA. 
ESTÁN NUNHA EXPOSICIÓN CON TODOS OS AMULETOS QUE FIXERON OS DEMAIS NENOS E NENAS DO COLE. 
O MARTES 19 CONVIDÁMOSVOS A VISITAR A EXPOSICIÓN DE 16:00 A 17:00 HORAS.
ALGUNHAS FOTOS:

OBRADOIRO DE AMULETOS

13/11/19

O MAGOSTO

O VENRES DÍA 8 FIXEMOS O MAGOSTO NO "COLE": BAILAMOS, CANTAMOS, COMEMOS...
 DEIXÁMOSVOS UN VÍDEO BOTÁDELLE UN OLLO:

MAGOSTO

11/11/19

APÓCEMA QUITA MEDOS

COÑECEMOS Á BRUXIÑA TAPITA E DÍXONOS QUE PODIAMOS FACER CON ELA UNHA APÓCEMA MÁXICA,  PARA QUITAR TODOS OS NOSOS MEDOS.
ENTRE TODOS E TODAS FOMOS DICINDO OS INGREDIENTES QUE QUERIAMOS BOTARLLE.
 UN DÍA COMO BOS BRUXOS E BRUXAS FIXEMOS BRUXERÍAS. PASÁMOLO XENIAL!

 FOTOS DE 3 ANOS A.: 

APÓCEMA QUITA MEDO 3 ANOS A.

FOTOS DE 3 ANOS B.:

APÓCEMA QUITA MEDO 3 ANOS B.

SAMAÍN E O MEDO

CON MOTIVO DO SAMAÍN, TRABALLAMOS UNHA DAS EMOCIÓNS BÁSICAS, O MEDO.  TROUXEMOS DA CASA DIFERENTES COUSAS QUE NOS DAN MEDO: CABAZAS, MORCEGOS, BRUXAS, PANTASMAS, GORROS DE BRUXA, ARAÑAS, ESQUELETOS, MÁSCARAS...  NA ASEMBLEA FALAMOS DOS NOSOS MEDOS E COMO NOS FAN SENTIR.
COUSAS DA CASA
DECIDIMOS FACER UN RECANTO DO MEDO PARA COLOCAR O QUE TROUXEMOS DA CASA,  TAMÉN FOI MOI DIVERTIDO XOGAR NO RECANTO  DO XOGO SIMBÓLICO: DISFRAZARNOS DE BRUXOS E BRUXAS, FACENDO APÓCEMAS QUITAMEDOS.  NO RECANTO DE LETRAS MONTAMOS UN TEATRIÑO DO MEDO,  ONDE CON MARIONETAS DE: BRUXAS, PANTASMAS, MOMÍAS, CABAZAS, ARAÑAS... FACEMOS DIVERTIDOS TEATROS DE MONICREQUES E CANTAMOS CANCIÓNS: "LA BRUJITA TAPITA", "LA ARAÑA INCY WINCY", "LOS ESQUELETOS", "EL FANTASMA MANOLÍN"...
VIMOS  LIBROS DE MEDO E XOGAMOS  COAS COUSAS QUE TROUXEMOS DA CASA…

RECANTOS MEDO
O OBXECTIVO PRINCIPAL DE ESTA UNIDADE É: SER CAPACES DE EXPRESAR OS SEUS MEDOS E XOGAR CON TODO O QUE POIDA ATEMORIZARLLES, PARA QUE NO MOMENTO QUE A SENSACIÓN DESAGRADABLE LLES ABÓRDE, LEMBREN OS XOGOS DE CLASE, OS DEBUXOS DIVERTIDOS, AS BROMAS… E DALGUNHA FORMA, ATOPEN A VOLTA Á CALMA. ESTAMOS TERMINANDO DE FACER UN LIBRIÑO QUE LEVAREMOS PARA A CASA MOI PRONTO

7/11/19

TRABALLOS DO MES DE SETEMBRO E PRIMEIRAS SEMANAS DE OUTUBRO

DURANTE A ÚLTIMA SEMANA DE SETEMBRO E AS TRES PRIMEIRAS SEMANAS DE OUTUBRO DECORAMOS A NOSA CLASE: PERCHAS PARA COLGAR OS ABRIGOS E O MANDILÓN, BANDEXAS PARA GARDAR TRABALLOS, RECANTOS, MESAS, ASEMBLEA....
 A TRAVÉS DE DIFERENTES CONTOS NOS QUE INTERVEÑEN OS ANTÍOS (FILLOS DE ANTÍO, A MASCOTA DO MAGOSTO) FOMOS INTRODUCINDO: AS DIFERENTES RUTINAS DA ASEMBLEA, OS RECANTOS, O MATERIAL CO QUE FAREMOS OS NOSOS TRABALLOS E AS NORMAS DA CLASE.
 PARA ACORDARNOS DE TODO ISTO E FALALO COAS NOSAS FAMILIAS NA CASA, REALIZAMOS UN PEQUENO RESUMO QUE LEVAREMOS PARA A CASA DENTRO DUNS DÍAS.
 TAMÉN APRENDEMOS MOITAS CANCIÓNS RELACIONADAS COAS RUTINAS DA CLASE
.
UN DOS CONTIÑOS DE ANTÍO PARA INTRODUCIR OS DÍAS DA SEMANA:

OLLADE ALGUNHAS FOTOS:

PRIMEIRO MES DE COLE

24/10/19

24 DE OUTUBRO DÍA DA BIBLIOTECA

O 24 DE OUTUBRO, LAMPI, A MASCOTA DA BIBLIOTECA DO COLE, MANDOUNOS UNHA CARTA PARA CONVIDARNOS A VISITAR A SÚA BIBLIOTECA.
GOZAMOS VENDO MOITOS LIBROS, OS ROBOTS DISFRAZADOS E TODA A DECORACIÓN DO SAMAÍN.

FOTOS 3 ANOS A: 
A BIBLIOTECA DE LAMPI 

FOTOS 3 ANOS B.:
BIBLIOTECA DE LAMPI 3 ANOS B.

22/10/19

VISITAMOS A ANTÍO PAPÁ

O PAPÁ DOS ANTÍOS ESCRIBIUNOS UNHA CARTA, CONTÁNDONOS QUE ERA A MASCOTA DO MAGOSTO,  COMO CADA ANO VIÑA AO COLE PARA BUSCAR CASTAÑAS E QUE SE ÍA A DISFRAZAR, PORQUE QUERÍA CELEBRAR O SAMAÍN.
 COMO TIÑAMOS MOITAS GANAS DE COÑECELO, SUBIMOS AO COLE DE MAIORES A VELO E SACAMOS ALGUNHAS FOTOS CON EL.
CHEGOU ANTIO PAPÁ

11/9/19

XA ESTAMOS NO COLE

HOXE COMEZOU O "COLE" PARA AS NENAS E OS NENOS DE 3 ANOS. ALGÚNS E ALGUNHAS CHEGABAN UN POUQUIÑO ASUSTADAS E ASUSTADOS, ALGO NORMAL, PORQUE ERA A PRIMEIRA VEZ QUE VIÑAN AO COLEXIO DE MAIORES. PERO PASÁRONO MOI BEN, SO TEDES QUE VER AS SÚAS CARIÑAS DE LEDICIA.

ADAPTACIÓN DÍA 11:
ADAPTACIÓN DÍA 11

2/9/19

BENVIDA

BENVIDAS E BENVIDOS AO COLEXIO VILAVERDE.

ESTA SEMANA COMEZARÁN AS ENTREVISTAS INDIVIDUAIS. AS NENAS E OS NENOS PODERÁN VER DE NOVO AS AULAS E COÑECER ÁS TITORAS.

12/6/19

VISITA AO COLEXIO EN XUÑO


FORMANDO PARTE DA PRIMEIRA FASE DO PERÍODO DE ADAPTACIÓN, EN XUÑO, AS NENAS E OS NENOS PUIDEMOS TER O PRIMEIRO CONTACTO CON AULAS, PATIO, PROFESORADO E ALUMNADO DE INFANTIL.
https://photos.app.goo.gl/6sRiVq2iXuTKMxfS8

EN SETEMBRO INICIAREMOS A 2ª FASE.