29/5/22

CONCERTO PACO NOGUEIRAS

O DÍA 24 DE MAIO TIVEMOS O CONCERTO DAS LETRAS GALEGAS CON PACO NOGUEIRAS, BAILAMOS E CANTAMOS AS SÚAS  CANCIÓNS, XA AS SABIAMOS TODAS, PORQUE AS TRABALLAMOS NA  CLASE DE MÚSICA, COA PROFE LOLA, E TAMÉN AS  ESCOITAMOS  NA NOSA  AULA.               
PASÁMOLO XENIAL!!

OLLADE O VÍDEO:

18/5/22

RECITAL DE POEMAS, NO 30 CERTAME DE POESÍA

HOXE, O ALUMNADO DE 5 ANOS RECITAMOS OS NOSOS POEMAS E CADA CLASE RECIBIU UN  AGASALLO, UN DIPLOMA E UN LIBRO. 

 NAS CLASES INVENTAMOS OS NOSOS POEMAS, RELACIONADOS COS PROXECTOS QUE ESTAMOS A TRABALLAR, ENCANTOUNOS CREAR PAREADOS COAS NOSAS RIMAS. UNHA VEZ QUE CREAMOS O NOSO POEMA, TIVÉMOLO QUE MEMORIZAR E RECITAR.

 MIRADE OS NOSOS VÍDEOS:  

5 ANOS A:

 

5 ANOS B.:

5/5/22

BAILAMOS UNHA DANZA GREGA

HOXE GRAVAMOS OS VÍDEOS BAILANDO  UNHA DANZA GREGA, QUE TRABALLAMOS PARA O PROXECTO NO SEGUNDO TRIMESTRE  , NAS CLASES DE MÚSICA COA PROFE LOLA

 ESTAMOS FEITOS UNS E UNHAS ARTISTAS!!



4/5/22

SORPRESA NAS NOSAS CLASES

O VENRES 29 DE ABRIL, QUEDAMOS PAMPOS CUNHA CAIXA SORPRESA QUE APARECEU NAS NOSAS CLASES. ESTA CAIXA DE COR VERMELLA CONTIÑA UNHA SORPRESIÑA. DESPOIS DE TENTAR ADIVIÑAR O QUE PODÍA TRAER DENTRO, E DE FACERLLES MOITAS PREGUNTAS ÁS PROFES: "SERÁ ALGÚN ANIMAL", "OU PLANTA","UN XOGUETE", " DE QUE COR", " DE QUE FORMA" ... COMPROBAMOS QUE NON PESABA, PERO ALGO DENTRO FACÍA UN RUÍDO QUE PARECÍA AREAS MOVÉNDOSE. 

AO FINAL DENTRO HABÍA OUTRA CAIXA E DENTRO DESTA:

 MOITÍSIMOS VERMES DE SEDA, FOLLAS SECAS 
E UNHAS BOLIÑAS NEGRAS!!!

AS PROFES PREGUNTÁRONNOS, QUE SERÍA TODO AQUILO. NUNHA CLASE SÓ UNHA COMPAÑEIRA DIXO QUE ERAN VERMES, OS E AS DEMAIS DICIAMOS QUE EIRUGAS OU... NON SABIAMOS O QUE ERA. NA OUTRA CLASE ALGÚNS XA SABÍAN QUE ERAN VERMES DE SEDA MENTRES QUE OUTROS NON. AS BÓLAS NEGRAS DICIAMOS QUE ERAN TERRA, AREA, OVOS DE VERME...
 AS PROFES PREGUNTÁRONNOS SE QUERIAMOS ADOPTALOS PARA A NOSA CLASE COMO MASCOTAS E CASE TODOS E TODAS  DIXEMOS QUE SI, MOI  MOI EMOCIONADOS.  

PERO TIÑAMOS UN PROBLEMIÑA,  NON SABIAMOS COIDALOS, NIN NADA DELES: NIN O QUE COMÍAN, NIN COMO LIMPALOS, NIN COMO NACEN, NIN SE FAN CACA OU COMO, NIN QUEN É A SÚA MAMÁ... 

CO CAL DECIDIMOS QUE PARA PODER COIDALOS TIÑAMOS QUE COÑECELOS E PARA ESO CHEGAMOS Á CONCLUSIÓN QUE TERIAMOS QUE INVESTIGAR EN DIFERENTES FONTES: NAS NOSAS CASAS, NA BIBLIOTECA DE LAMPI, EN LIBROS, NO ORDENADOR, NA TABLET... 

ASÍ QUE NA AXENDA LEVAMOS UNHA NOTA PARA PODER BUSCAR INFORMACIÓN COAS NOSAS FAMILIAS.

PUXÉMONOS UN POUCO NERVIOSOS E NERVIOSAS,  PERO TAMÉN MOI INTERESADOS/INTERESADAS  E MOTIVADOS/MOTIVADAS, CO CAL É MOI FÁCIL QUE ESTE INTERESE NOS  LEVE A EMPEZAR UN NOVO PROXECTO





OBRADOIRO DE IGUALDADE

O LUNS 2 DE MAIO, REBECA VEU AO COLE PARA CONTARNOS E TRABALLAR O CONTO: "A COUSA QUE MÁIS DOE DO MUNDO". ESTA ACTIVIDADE FÍXOSE A TRAVÉS DO AMPA.

AS MULLERES IMPORTANTES DA ANTIGÜIDADE SAEN DO COLE

 COMO QUERIAMOS QUE TODO O MUNDO COÑECESE ÁS MULLERES IMPORTANTES DA ANTIGÚIDADE,  SACÁMOLAS DO COLE EN DOUS CARTEIS, COLGADOS NA BEIRARRÚA NO VALO, POLA PORTA ONDE COLLEMOS O BUS, XUNTO COS DAS DEMAIS CLASES.

 NOS NOSOS CARTEIS DE 5 ANOS TAMÉN SE PODE LER CO TELÉFONO MÓBIL OS CÓDIGOS QR, E ASÍ CALQUERA QUE PASE POLA BEIRARRÚA PODE COÑECER ESTAS MULLERES A TRAVÉS DOS NOSOS VÍDEOS.

 CONVIDÁMOSVOS A DAR UN PASEO PARA PODER VELOS PERO NON VOS ESQUEZADES DO MÓBIL.









3/5/22

CREAR ARTE COS XORNAIS

A ÚLTIMA SEMANA DE ABRIL DEDICÁMOLA A TRABALLAR O XORNAL. UNHA DAS ACTIVIDADES QUE FIXEMOS FOI CREAR ARTE A TRAVÉS DOS XORNAIS. CONVIDÁMOSVOS A VER AS NOSAS  CREACIÓNS:












2/5/22

DÍA DO LIBRO

CON MOTIVO DO DÍA DO LIBRO, DURANTE A CUARTA SEMANA DO MES DE ABRIL, FIXEMOS VARIOS TRABALLOS, UN DELES FOI FACER UN “BOOKFACE”.   PARA SACAR AS FOTOS, O ALUMNADO ELIXIU ENTRE DOUS LIBROS, DESPOIS ENTRE TODAS AS FOTOS  ESCOLLEMOS UNHA PARA AGASALLAR A LAMPI, PARA QUE DECORARA A BIBLIOTECA.
TAMÉN O AGASALLAMOS CUN AUDIO, ONDE CONTAMOS DE QUE TRATA O LIBRO E O MOTIVO POLO QUE É INTERESANTE. 
PARA AS NOSAS CASAS CADA UN E UNHA DE NÓS LEVOU A FOTO CO SEU "BOOKFACE" PEGADO NA AXENDA. 

ESTES FORON AS FOTOS DOS "BOOKFACE" ELEXIDOS ENTRE TODAS AS FOTOS DA CLASE: