RETO 1: RECEITA DE COCIÑA

OLLADE O VÍDEO DAS MASCOTAS:

COCIÑAR COS NENOS E NENAS É UNHA ACTIVIDADE DIVERTIDA COA QUE, ADEMAIS DE PASAR UN BO RATO XUNTOS, EN FAMILIA, CONSEGUIMOS QUE ELES E ELAS TEÑAN CONTACTO DIRECTO COS ALIMENTOS: VENOS, TÓCANOS , ÚLENOS , MANIPÚLANOS...   E APRENDEN O QUE PODE  SER SAUDABLE PARA FACER COMIDAS RICAS E SAS.

 AS RECEITAS PODEN TER VARIAS COUSAS EN COMÚN: OS INGREDIENTES, A FORMA DE ELABORALAS,…  PERO NINGUNHA É IGUAL Á OUTRA, E QUIZÁIS A MESMA RECEITA NON SAIA IGUAL UN LUNS QUE UN VENRES OU DOMINGO.

 POR ISO, CONVIDÁMOSVOS A ELABORAR A VOSA RECEITA EMPREGANDO OS ALIMENTOS QUE TENDES NAS VOSAS CASAS.

 PODE SER UNHA RECEITA:  DOCE OU SALGADA, FRÍA OU QUENTE,…

O DIVERTIDO VAI A SER PENSAR:  PARA QUE MOMENTO A IDES A ELABORAR, OS INGREDIENTES, AS CANTIDADES E SOBRE TODO CON QUEN A IDES A ELABORAR.

POR ÚLTIMO, GUSTARÍANOS QUE NOS ENVÍARADES UNHA FOTO DOS NENOS E NENAS ELABORANDO A RECEITA,  OUTRA FOTO CO RESULTADO FINAL NA QUE SALGA CADA RAPAZ E RAPAZA E UNHA TERCEIRA FOTO CON ALGÚN TRABALLO FEITO EN PAPEL DAS PROPOSTAS QUE VOS INDICAMOS A CONTINUACIÓN. AS FOTOS ENVIADELAS AO CORREO,   ANTES DA FIN DE SEMANA.

                       moureverdev@gmail.com 

ANTES DE FACER A RECEITA OU DESPOIS DE FACELA, PODEMOS REALIZAR VARIAS ACTIVIDADES COMO:

•  CONVERSAR SOBRE COMO SON OS ALIMENTOS QUE ELEXIDES PARA A RECEITA: SE SON DOCES, SALGADOS, QUENTES, FRÍOS, SE SON FROITAS, VERDURAS, LÁCTEOS...COMO É A SÚA COR, ...
•  FALAR SOBRE A ALIMENTACIÓN, CALES SON OS ALIMENTOS SAUDABLES  E CALES NON...
• PODEMOS COLLER UN FOLLETO DE SUPERMERCADO E RISCAR OU RECORTAR ALIMENTOS
•  TAMÉN CAL É O RITUAL QUE SE DEBE FACER PARA COCIÑAR: LAVAR MANS, LAVAR ALIMENTOS...
•  DEBUXAR OS ALIMENTOS, INGREDIENTES...
•  ESCRIBIR O NOME DE CADA  INGREDIENTE   CON LETRA MAIÚSCULA
• ANOTAR CON NÚMEROS  AS CANTIDADES EMPREGADAS PARA A RECEITA...
•  DEBUXARNOS VESTIDOS DE COCIÑEIROS E COCIÑEIRAS.
• DEBUXAR A RECEITA TERMINADA
• DEBUXAR A FAMILIA DISFRUTANDO DA COMIDA.
• ...ETC.

 SEN PROBALAS SEGURO QUE XA PODEMOS DICIR QUE ESTÁN DELICIOOOOOSAS!!.

😋

 VEÑA NENOS E NENAS, AOS FOGÓNS!!!