COMEZAMOS PROXECTO: O CORPO HUMANO

AS CLASES DE PRIMEIRO COMEZAMOS O PROXECTO DO CORPO HUMANO. PARA ISO, PREPARAMOS UNHA SORPRESIÑA: CADA CLASE TEN UNHA FIGURA MÁXICA QUE LLE IRÁ DEIXANDO RETOS CADA POUCO TEMPO. AS FIGURAS CHÁMANSE FILOMENA E LISARDO, AQUÍ AS TEDES:

DE MOMENTO XA APRENDEMOS SOBRE:

•  AS PARTES DO CORPO EN GALEGO, APROVEITAMOS ESTE VOCABULARIO PARA ESCRIBIR UNHA DESCRICIÓN DE NÓS MESMOS E LER DESCRICIÓNS DE PERSOAS.
  
•  O FÉMUR E A LETRA F, PUIDEMOS APRENDER SOBRE OS ÓSOS E O ESQUELETO, AS RAIOGRAFÍAS, MARIE CURIE ETC.
• FALAMOS DOS MÉDICOS, DOS INSTRUMENTOS QUE UTILIZAN, DO NÚMERO DE EMERXENCIA 112.
• RECIBIMOS O AGASALLO DUNS XOGUETES EN FORMA DE FONENDOSCOPIO, XERINGA, TERMÓMETRO, QUE DEBUXAMOS E UTILIZAMOS LOGO PARA XOGAR.
• BUSCAMOS POLA CLASE PARTES DO CORPO.
• FALAMOS DOS SENTIDOS...

  

APROVEITANDO O TEMA DO CORPO HUMANO, O ALUMNADO QUE VAI REMATANDO AS TAREFAS, PODERÁ DEDICAR UN TEMPO Á ESCRITURA CREATIVA CON CONTOS TROQUELADOS. MOITOS XA FIXERON MANCIÑAS CON HISTORIAS. NUNS DÍAS LEREMOS ALGUNHAS E COMPARTIRÉMOLAS CON OUTRAS CLASES.

AGRADECEMOS A PARTICIPACIÓN DOS NENOS E NENAS NO PROXECTO MEDIANTE LIBROS QUE TRAEN DA CASA, PEQUENAS INVESTIGACIÓNS, PUZZLES XIGANTES E MATERIAL QUE COMPARTIDES CON NÓS. CON TODO ISTO IMOS COMPLETANDO A EXPOSICIÓN DO CORREDOR E PENSANDO EN NOVAS PROPOSTAS PARA OS PEQUES.  ADEMAIS ALGÚNS LIBROS, XOGO DE MÉDICOS E DEMAIS RECURSOS PÓDENOS EMPREGAR NO SEU TEMPIÑO LIBRE.

MOI INTERESANTE ESTE LIBRO QUE COMPARTIU CON NÓS UNHA FAMILIA. CON EL REFLEXIONAMOS UN POUQIÑO SOBRE A SEXUALIDADE E PREVENCIÓN DO ABUSO, DA IMPORTANCIA DE COÑECER E FACER RESPETAR O NOSO CORPO, DE FALAR SEN VERGOÑA DE PARTES DO CORPO ÍNTIMAS, DOS NOMES QUE SE EMPREGAN PARA ELAS ETC. SUPER RECOMENDADO.

TAMÉN LLES ESTÁ GUSTANDO O LIBRO QUE TROUXO UNHA NENA DOS SUPERPREGUNTONES, CADA DÍA LEMOS UNHA PREGUNTA: Por qué o pis é amarelo? ¿Por qué as orellas teñen a forma que teñen? Por qué non todos os dentes son iguais? ... 

NESTAS SEMANAS IREMOS RESOLVENDO MÁIS RETOS PARA APRENDER MÁIS SOBRE O CORPO !